fbpx
თბილისი, სოხუმის ქუჩა 4
contact@pczone.ge
+995 555 04 58 58

რატომ ღირს ვიდეო ბარათები ასე ძვირი?!

რატომ ღირს ვიდეო ბარათები ასე ძვირი

დღესდღეობით გეიმერობისთვის არასახარბიელო დროა. Nvidia-ს ახალი GeForce RTX 3000 სერიისა და AMD-ს ახალი RX 6000 სერიის ვიდეო ბარათები წინა თაობის სამწუხარო და იმედგამაცრუებელი შეთავაზებების შემდეგ პერფორმანსის ახალ მწვერვალებს იპყრობენ, მაგრამ ხალხის უმრავლესობას შანსიც კი არ აქვს, რომ ერთ-ერთი მათგანი მაინც შეიძინოს, ნორმალურ ფასზე საუბარი ზედმეტია. ახალი ვიდეო ბარათების მარაგი წუთში, შესაძლოა წამებშიც კი ამოიწუროს ონლაინ მოვაჭრეების „დამსახურებით“, უმრავლეს შემთხვევაში არარეალურ ფასად. გაყიდული ვიდეო ბარათები მალევე იდება ხელახლა გასაყიდად სხვადასხვა სავაჭრო საიტებზე ორმაგ ან უფრო ძვირ ფასად, მაგ: Ebay

ბოლო მოვლენებიდან ერთი კონკრეტული მაგალითი განვიხილოთ. მარტის შუა პერიოდში გამოვიდა ახალი AMD Radeon RX 6700-XT, რომლის ღირებულება 480$ იყო. წინასწარი გათვლებით, ამ ვიდეო ბარათის პერფორმანსიდან გამომდინარე, ფასი იმაზე 100$-ით ძვირი იყო, ვიდრე რეალურად უნდა ყოფილიყო. Sapphire-მა განაცხადა, რომ თავდაპირველ ღირებულებას დაემატებოდა დამატებითი 100$ ფანტასიკურად მორგებული Nitro+ დიზაინის გამო. როდესაც Nitro+ 6700 XT გასაყიდად დაიდო Newegg-ზე, ძალიან სწრაფად ამოიწურა ბარათების მარაგი, მიუხედავად გაზრდილი ფასისა, რომლის საცალო ღირებულება 730$-ს უტოლდებოდა. ამჟამად ეს კარტა 1000$-ზე მეტად იყიდება Ebay-ზე.

რატომ იზრდება ვიდეო ბარათების ფასები ასე ძალიან? ეს იმაზე მეტია ვიდრე უბრალო გადამყიდველები და კრიპტოვალუტა, რომლებსაც ყველა ადანაშაულებს. განვიხილოთ დეტალურად:

  1. საგრძნობლად გაზრდილი მოთხოვნა.

გეიმინგ ნაწილებზე მოთხოვნა განსაკუთრებით კორონაპანდემიის დროს გაიზარდა, ყველა სახლში იყო გამოკეტილი და მოწყენილი/შეწუხებული. ლოქდაუნის დასაწყისში, ამერიკასა და ჩინეთში, Nintendo-ს Switch კონსოლი ძალიან მოთხოვნადი გახდა. Nintendo Switch-ის მიწოდება, რაც უფრო გადიოდა დრო, უფრო და უფრო გაიზარდა, რომელიც სწორი მარკეტინგული სვლა აღმოჩნდა, მაგრამ ამის შემდეგ რაც ახალი ვიდეო ბარათები და Next-Gen Playstation da Xbox X სერიის კონსოლები ჩაეშვა გაყიდვაში, Nintendo-ს პროდუქტზე მოთხოვნა უზარმაზარი დონით დაეცა (დღესაც განაგრძობს კლებას). სწორედ ამ პერიოდიდან იწყება გეიმინგის ბუმი.

  • მიწოდების პრობლემები.

მიუხედავად იმისა, რომ AMD-მ და Nvidia-მ განაცხადეს, რომ იმაზე მეტ ახალ ვიდეო კარტებს უშვებდნენ, ვიდრე წინა გამოშვების დროს, მაინც არ აღმოჩნდა საკმარისი რომ საგრძნობლად გაზრდილი მოთხოვნა დაეკმაყოფილებინა, განსხვავებული მიზეზების გამო.

AMD-ს მხრიდან, მათ გამოუშვეს არა მხოლოდ Radeon RX 6000 სერიის ბარათები, არამედ Ryzen 5000 Desktop და Laptop პროცესორები და ასევე ჩიპები Next Gen კონსოლებისთვის. კომპანია ასევე გეგმავს Radeon RX 6000 სერიის ბარათების გამოშვებას ლეპტოპებისთვისაც.

ყველა ზემოჩამოთვილი პროდუცქია კომპანია TSMC-ს მიერაც მზადდება ტაივანში, იმავე “7ნმ Process” ტექნოლოგიაზე. AMD-ც სავარაუდოდ მოუწია პრიორიტეტის მინიჭება ამ შრისთვის Next Gen კონსოლების გამო გაყიდვების მნიშვნელოვანი პერიოდის განმავლობაში, როგორც Microsoft-თან და Sony-სთან შეთანხმება ითვალისწინებდა.

Radeon ბარათების წარდგენა შედარებით მცირე შრით კი ეკონომიკური თვალსაზრისით ბევრად მომგებიანი იქნებოდა, ისინი შეძლებდნენ უფრო დიდი რაოდენობის კარტების წარმოებას შედარებით მცირე დროში

  • საერთაშორისო ტრანსპორტირების შენელება

მიწოდება და მოთხოვნა არაა ერთადერთი ფაქტორი რომელზეც პანდემიამ იქონია გავლენა. საერთაშორისო ტრანსპორტირება აზიასა და ჩრდილოეთ ამერიკას შორის ერთი დიდი არეულობაა. დღეს გაცილებით მეტი ღირს, რომ ნივთები აშშ-ში მიიღოთ. საინტერესოა, მოვისმინოთ ერთ-ერთი გადამზიდი კომპანიის კომენტარი ამ საკითხთან დაკავშირებით:
„ როდესაც სავაჭრო ურთიერთობები დაიძაბა ამერიკასა და ჩინეთს შორის, გადამზიდი გემები, რომლებსაც ტონობით პროდუქცია გადაჰქონდათ ორივე მიმართულებით, ახლა ცარიელები ელოდებიან კონტეინერების დატვირთვას. რადგან გადამზიდი კომპანიები თავს იკავებენ რომ გემები დაუტვირთავად გაგზავნონ უკან, სანამ ვინმე არ გადაიხდის, ეს კიდეც უფრო ანელებს პროდუქციის მიწოდებას. საჰაერო გადაზიდვებიც კი პრობლემატური გახდა. სავაჭროდ წასული მგზავრების წილი საშუალოდ ერთ რეისზე შეადგენს 5-10%-ს, რაც ძალიან დაბალი მაჩვენებელია წინა წლებთან შედარებით. მსოფლიოში საჰაერო გადაზიდვები 50%-ით არის შემცირებული. ძალიან რთულია საჰაერო გზით მომავალი პროდუქტის დროულად მიღება.

  •  გადამყიდველები

მიწოდებისა და მოთხოვნის დიდი დეფიციტი არის შესანიშნავი პერიოდი მათთვის, ვინც ყიდულობს და მალევე ყიდის ვიდეო ბარათს ორმაგ ფასში. ასევე, როდესაც მარკეტებზე გამოჩნდა ბარათები, მათ შექმნეს ბოტები, რომელიც პროდუქტის დადებისთანავე ყიდულობს კარტებს, ეს კი ისეთ მცირე დროში ხდება, რომ ადამიანი ფიზიკურად ვერ დაასწრებს. ასეთი ხერხებით 50 000-ზე მეტი RTX 3000 სერიის ვიდეო ბარათი გაიყიდა Ebay-სა და StockX-ზე. თქვენ თავისუფლად ნახავთ ბარათებს, რომლებიც რეალურ ფასთან შედარებით ორმაგი ფასი ღირს და ვერასდროს ვერ ნახავთ ისეთ კარტებს, რომლებიც სანდო და ოფიციალური პირების მიერ ნამდვილ ფასად იყიდება, მანამ სანამ თქვენც ზოგიერთივით არ გამოიყენებთ ბოტებს.

  • კრიპტოვალუტა

მდგომარეობა უკვე უკონტროლო იყო გეიმერებისთვის, როდესაც ნაწილებზე ფასები გაიზარდა, ამ დროს კი დაიწყო კრიპტოვალუტის ბუმი, რამაც ცეცხლზე ნავთი დაასხა.

      რამდენჯერაც კრიპტოვალუტის ღირებულება აიწევს, ბარათები უფრო და უფრო მიუწვდომელი ხდება. როგორც ჩვენ ვნახეთ 2017 წელს, ხალხს არ შეეძლო გეიმინგ ბარათებით ბიტკოინი (ყველაზე ცნობილი და მოთხოვნადი კრიპტოვალუტა) დაემაინინგებინა, მაგრამ შეეძლოთ დაემაინიგებინათ ეთერიუმი. შემდეგ შეეძლოთ ეთერიუმი ბიტკოინში დაეტრეიდებინათ. 2020 წლის ოქტომბერში ბითკოინი „აფეთქდა“, ეთერიუმიც ფეხდაფეხ მიჰყვა. 2020 წლის აპრილში 1 Ethereum 140$ ღირდა. როცა ბიტკოინის ფასი გაიზარდა, ეთერიუმის ფასი 350$ გახდა. თითქმის გასამმაგდა ფასი 2021 წლის იანვარში. ამჟამად მისი ფასი დაახლოებით 3400$-ს შეადგენს.

      ვიდეო ბარათების უმრავლესობა, რომელსაც 4GB-ზე მეტი V-Ram აქვს, არის მომგებიანი მაინინგისთვის და ნათლად ვხედავთ დღევანდელ რეალობას – სად ვიყავით და სად ვართ ახლა.

      როდის დასრულდება?

      სამწუხაროდ, არავინ იცის როდის დასრულდება ეს არეულობა. ვერც ერთი ზემოთ ჩამოთვილი მდგომარეობა ვერ იძლევა იმის თქმის საფუძველს, როდის  მოეღება დეფიციტს ბოლო და როდის შეძლებს ხალხი ძველებურად ადამიანურ ფასად შეიძინოს ვიდეო ბარათები და ისიამოვნოს გეიმინგით.

კომენტარის დატოვება

თქვენი ელფოსტის მისამართი გამოქვეყნებული არ იყო.